Rusiyanın məşhur traktor zavodu fəaliyyətini dayandırır

Qərbin sanksiyaları Rusiyada əksər sektorlar kimi kənd təsərrüfatına da ciddi təsir göstərib. 

Avtosfer.az “Reuters”ə istinadla xəbər verir ki, ciddi maliyyə çətinlikləri milə üzləşən fermerlər kənd təsərrüfatı texnikasını yeniləmir. İlin əvvəlindən taxılyığan kombayn satışları 76 faiz, yemyığan maşın satışı 49 faiz, traktor stışları isə 48 faiz azalıb.

Bu səbəbdən ölkənin əsas kənd təsərrüfatı maşınları zavodu “Rostselmaş”ın işində ciddi çətinliklər yaranıb. Ukrayna müharibəsinədək Federasiyanın kənd təsərrüfatı texnikasına ehtiyacının 70 faizini ödəyən konsern ciddi malıiyyə çətinlikləri ilə qarşı-qarşıyadır.

Satış gəlirləri 7 dəfə azalıb, ixracat minimuma enib. Məsələnin həlli üçün ilin əvvəlindən 2000 əməkdaş işdən azad edilib.

İyunun birində isə istehsal dayandırılacaq, əməkdaşlar qeyri-müəyyən müddətə öz hesabına məzuniyyətə göndəriləcək. Fəaliyyətini davam etdirən əməkdaşlıarın (satış, mühafizə və s.) maaşları yarıbayarı azaldılacaq. 

Artıq bir neçə aydır zavod dördgünlük iş həftəsinə keçib.

Vüqar