Rusiyanın taksi parklarında sürücü böhranı

Rusiyanın taksi parklarının 77 faizi sürücülərin işə cəlb edilməsi və saxlanması problemi ilə üz-üzədir. 

Avtosfer.az xəbər verir ki, bu fakt “İvitech” sorğu şirkətinin araşdırması zamanı üzə çıxıb. Kadr axıcılığı aqreqatorlarla işləyən parklarda daha ciddidir. Sürücülərin 60 faizdən çoxu ilk 3 ay ərzində işi tərk edir. Buna səbəb gəlirin aşağı olması, rəqabət və avtomobillərin köhnəliyidir.

Taksi parklarının rəhbərləri bildirirlər ki, bu peşəyə maraq azalıb. əksər insanlar taksi fəaliyyətinə müvəqqəti iş kimi baxır və daha yaxşı iş axtarır. 

Bura qədəri öz yerində. Bər reallıqda nə üçün Rusiyada taksidə işləməyə adam tapılmır?

Səbəb məlumdur: miqrantların sürücülük fəaliyyəti məhdudlaşdırıldıqdan sonra logistika sahəsində ciddi çətinliklər hökm sürür. Federasiyada yük avtomobili və avtobus sürücüləri ilə bağlı da ciddi problemlər mövcuddur. Miqrantlara qarşı təzyiqlər artdıqca iqtisadiyyatın bu və ya digər sektorlarında da vəziyyət pisləşir.

Vüqar Yaşaroğlu