Rusiyanın yeni təyyarəsi bu havalarda uça bilməyəcək – Səbəbi isə bu imiş

Rusiyada yeni İL-114-300 tipli təyyarənin ilk istifadəçisi kimi Arxangelsk birləşmiş aviadəstəsi seçilib.

Avtosfer.az xəbər verir ki, yeni hava gəmisi bu şəhərin Moskva ilə hava əlaqəsini təmin etməlidir. Bununla belə, laynerin istismarına ciddi məhdudiyyətlər qoyulub.
Texniki reqlamentə görə, təyyarə -10 dərəcə Selsidən +25 dərəcə Selsiyədək temperaturda istismar edilməlidir. Bundan başqa, təyyarənin ildırımlı havada istismarına, yağışlı havada və ya qarla örtülmüş uçuş zolağından qalxıb enməsinə icazə verilmir. 

Rusiya mətbuatı belə bir maraqlı müqayisə aparır: ötən əsrin 80-ci illərində hazırlanmış İL-114-100 təyyarəsi -30 dərəcə Selsidən +40 dərəcə Selsiyədək temperaturda istismar edilə bilirdi. Üstəgəl, sovet layneri istənilən tip uçuş zolağına, istənilən meteoroloji şəraitdə enib-qalxa bilirdi. Rus məmurların “texniki suverenliyin simvolu” hesab etdikləri, “dünyadakı analoqlarını qabaqlayan” təyyarə bir çox parametrinə görə nəinki Qərb modelləri ilə yarışa bilmir, hətta bir çox hallarda 40 il əvvəlki sovet maşınlarından da geri qalır.

Vüqar