Ruslar uşaq dünyaya gətirmək üçün bu ölkəyə axın edirlər – SƏBƏB 

Ordu sıralarına çağırılmaq təhlükəsinə görə Rusiyadan qaçmağa çalışan kişilərin sayı on minlərlə ölçülür. Lakin, bu qaçış bircinsli deyil. Əgər kişilər başlıca olaraq qonşu ölkələrə üz tuturlarsa, qadınlar uzaq ölkəyə, okeanın o tayına gedirlər. 

Avtosfer.az xəbər verir ki, 2022-ci ildə müharibə başlayandan sonra rusların kütləvi üz tutduğu ölkələrdən biri Braziliyadır. Rus ailələr bura uşaq dünyaya gətirmək üçün gedirlər. Səbəb də sadədir.

Yerli qanuna görə Braziliyada dünyaya gələn uşaq avtomatik olaraq vətəndaşlıq alır. Bundan sonra valideynlər özlərinə daimi yaşayış icazəsini də asanlıqla əldə edə bilirlər. Uşağın Braziliya vətəndaşı olması valideynə bir il sonra bu ölkənin pasportunu əldə etmək imkanı verir. 

Braziliya pasportu dünyada ən güclülərdən sayılır. Bu sənədlə 170 ölkəyə vizasız səfər etmək mümkündür. O cümlədən, bu gün rusların çoxu üçün əlçatmaz olan Şengen zonasına, 2024-cü ildə 477, 2025-ci ildə isə 613 rus bu ölkədə vətəndaşlıq alıb. 2026-cı ilin 5 ayında isə 166 rusa pasport verilib. Onların əksəriyyəti qadındır.

Dövlət xəstəxanalarında xidmətin pulsuz olması ruslar arasında “doğuş turizminə” marağı artırır.

Vüqar