"Ryanair" təyyarədə asayişi pozanlar üçün yeni cərimə tətbiq etdi

Hava səyahətinə üstünlük verən sərnişinlərə birbaşa təsir edəcək yeni qərar qəbul edilib.

Avtosfer.az "En Son Haber"ə istinadən xəbər verir ki, bundan sonra İrlandiyanın hava yolu şirkəti "Ryanair" təyyarədə asayişi pozan sərnişinləri cərimələyəcək.

Yeni qərara görə, sərnişinin təyyarədən çıxarılması ilə nəticələnən hər bir intizamsızlıq həmin şəxsə 500 funt-sterlinqə (təxminən 1155 manata) başa gələcək.

Bu yeni qayda ilə şirkət həm sərnişinlərin, həm də ekipajın rahatlığını və təhlükəsizliyini qorumağı hədəfləyir.