Sahibkar marketdə vətəndaşların borcunu sildirdi; satıcı şoka düşdü - VİDEO

Hadisə paytaxtın məhəllələrindən birində yerləşən kiçik marketdə baş verib. Sahibkar mağazaya daxil olaraq əvvəlcə mağaza sahibindən “nisyə dəftərini” istəyib. Daha sonra isə bildirib ki, dəftərdə spirtli içki və siqaret borcları istisna olmaqla, bütün digər borcları tam şəkildə ödəmək istəyir.

Avtosfer.az xəbər verir ki, bu hərəkət daha əvvəl Qurtuluş Reabilitasiya mərkəzinin rəhbəri tərəfindən həyata keçirilib. Mağaza sahibi dəftəri ona təqdim etdikdən sonra sahibkar bütün borcları bağlayıb və əlavə olaraq müəyyən miqdarda pul da verib. O, bildirib ki, bu artıq məbləğ gündəlik imkanı olmayan və ehtiyac səbəbilə çörək almağa gələn şəxslərin borcuna hesablanacaq.

Bu addım sosial şəbəkələrdə geniş rezonans doğurub. İstifadəçilər həmin sahibkarın humanist davranışını alqışlayaraq, bu cür təşəbbüslərin digər imkanlı şəxslərə də örnək olmalı olduğunu bildiriblər.

Eltac