Sərnişinlər Çin taksilərinə görə sifarişləri kütləvi ləğv edirlər – SƏBƏB  

Rusiyada son həftələrdə Çinin premium avtomobilləri ilə göstərilən taksi xidmətindən imtina edənlərin sayı kəskin artıb. 

Avtosfer.az xəbər verir ki, komfort və biznes sinfində xidmət göstərmək üçün bahalı Çin brendlərinə üstünlük verən taksi aqreqatorlarının sayı artıb. Səbəb Avropa modellərinin əlçatan olmamasıdır. 
Lakin bu qayda müştəriləri razı salmır. Gün ərzində Çin avtomobilinə görə minlərlə sifariş ləğv edilir. Çox vaxt lüks avtomobil sifariş edənlər Çin istehsalı olan maşın göndərməmək tələbi qoyurlar. 
Psixoloqlar bunun səbəbini belə izah edirlər: orta statistik rusiyalı komfortlu avtomobil dedikdə “Mercedes”, BMW, “Audi” və “Lexus”u nəzərdə tutur. Digər maşınların rusların gözündə yeri aşağıdır. 
Bu gün Rusiyanın böyük şəhərlərində “Land Cruiser”lə, “Range Rover”lə (bəli, yanlış oxumadınız) taksi xidməti göstərən çox sayda fiziki və hüquqi şəxs var. Onlar yalnız komfort və biznes sinfində sifariş qəbul edirlər və bu da normal qarşılanır.

Vüqar