Sərxoş və narkoman pilotlar uçuşa buraxılırmış

ABŞ-nin aviasiya tənzimləmə qurumu FAA 2 böyük şirkəti (“American Airlines” və “Southwest Airlines”) cərimələyəcəyini bildirib.

Avtosfer.az xəbər verir ki, səbəb uçuş heyətinin narkotik və alkoqol istifadəsi məsələsinə qeyri-ciddi münasibətdir.

Əslində rəsmi qaydada hər şey qaydasında olub. Uçuş heyəti vaxtaşırı alkoqol və narkotik vasitə testlərindən keçirilib. Lakin 2019-2023-cü illərdə testləri müsbət çıxan (metamfetamin, kokain və ya spirt) bort bələdçiləri, mexanik və pilotlar uçuşa buraxılıblar. Onlar heç nə olmamış kimi vəzifələrini icra ediblər.

Şirkətlərin öz qərarlarını əsaslandırmsı üçün 1 ay vaxt verilib. Əks təqdirdə onları 300 min dollaradək cərimə gözləyir.

Vüqar Yaşaroğlu