Skuterlərin sürəti bu yolla azaldılacaq

Rusiyada skuterlərlə bağlı maraqlı bir layihə sınaqdan keçirilir. Sınaqları Yandex şirkəti aparır. 

Avtosfer.az xəbər verir ki, söhbət skuterlərin sürətinin telemetriya yolu ilə azaldılmasından gedir. Başqa sözlə, skuterə 2 adam mindiyi təqdirdə proqram təminatı sürəti piyadanın hərəkət sürəti həddinə endirəcək. “Sərnişin” düşdükdən sonra isə texnika normal sürətə qayıdacaq.
Skuterlərin poliqonda sınaqları zamanı 95% səmərəli nəticə alınıb. Lakin proqramın tətbiqi üçün həm təsmi razılıq olmalı, həm də vəsait ayrılmalıdır. Yeni sitemin gələn yazdan tətbiq olunması gözlənilir. 

Qeyd edək ki, əksər ölkələrdə skuterə bir nəfərin minməsi nəzərdə tutulsa da, buna məhəl qoyan azdır.

Vüqar Yaşaroğlu