Sürücüsüz avtomobillər, boş taksilər - Sakinlər narahatdır

ABŞ-də kommersiya taksi xidməti göstərən sürücüsüz “Waymo” avtomobillərinin davranışı sakinlərdə narahatlıq yaradıb. Avtomobillər müştəri qəbul etmədikləri zaman ən çox istifadə olunan ərazilərdə toplaşıb dövrə vurur.

Avtosfer.az xəbər verir ki, “Google”un “Alphabet” proqramı tərəfindən hazırlanan “Waymo” avtomobilləri 2018-ci ildən bəri Feniksdə, son iki ildir isə San Fransiskoda kommersiya xidməti göstərir. 2025-ci ildən etibarən onlar Uber ilə inteqrasiya olaraq Atlanta, Ostin və Los-Ancelesdə fəaliyyət göstərirlər.

Lakin son zamanlar Atlanta şəhərinin varlı məhəlləsi Bakhed sakinləri avtomobillərin boş olduqda küçələrdə dolaşmasından narahatdır. Sosial mediada yayılan videolarda cəmi 10 dəqiqə ərzində Bətlvyu Drayv küçəsindən 13 “Waymo” avtomobilinin keçdiyi görünür. Bir sakin isə bir saat ərzində təxminən 50 avtomobilin keçdiyini bildirib.

Sakinlər bildirib ki, avtomobillər müştəri qəbul etdikləri ərazilərdə gəzişərək, sanki zəng gözləyirmiş kimi davranır. Bu vəziyyət kiçik uşaqlar və ev heyvanları üçün təhlükə yaradır. Yerli hakimiyyət orqanları isə hələ sakinlərin şikayətlərinə cavab verməyib.

Ekspertlər vurğulayıblar ki, sürücüsüz nəqliyyat vasitələrinin sürətlə yayılması bu cür problemlərin yalnız ABŞ-nin digər şəhərlərinə deyil, yaxın gələcəkdə digər böyük şəhərlərə də yol aça bilər./Sfera.az