Taksi sürücüsü sükan arxasında kitab oxudu – VİDEO

Bakıda qeyri-adi və təhlükəli hadisə baş verib.

Avtosfer.az xəbər verir ki, taksi sürücüsü sərnişin daşıdığı vaxt sükan arxasında olmasına baxmayaraq, diqqətini yola yox, kitaba yönəldib.

Hadisə barədə görüntüləri sosial şəbəkə istifadəçiləri paylaşıb. Kadrlardan görünür ki, avtomobil hərəkətdə olarkən sürücü bir əlinə kitab alıb və oxumağa davam edir. Sərnişin isə bu anları gizli şəkildə lentə alaraq narahatlığını ifadə edib.

Sürücünün bu davranışı sosial şəbəkələrdə geniş müzakirələrə səbəb olub. Bir çox izləyicilər onun məsuliyyətsiz və təhlükəli hərəkət olduğunu vurğulayıb. Qeyd edək ki, diqqəti yolda və avtomobilin idarəetməsində olmayan sürücü hər an ağır nəticələr yaradan qəzaya səbəb ola bilər.

Eltac Zülfüqaroğlu