Taksi sürücüsündən sərnişinlərə təhqir: Maşının şüşəsinə eşşək şəkli yapışdırdı - VİDEO

Bakıda fəaliyyət göstərən taksidə qeyri-adi xəbərdarlıq lövhəsi sərnişinlərin diqqətini çəkib.

Avtosfer.az xəbər verir ki, taksinin arxa yan şüşəsinə yapışdırılan kağızda “maşında yemək yemə”, “uşaqlara nəzarət elə”, “səliqəli otur” kimi çağırışlar yer alıb.
Ən maraqlısı isə bu xəbərdarlıqların yanında eşşək şəkilinin əks olunmasıdır. Görünür, sürücü bu şəkildə sərnişinlərin diqqətini cəlb etmək və onları daha məsuliyyətli davranmağa təşviq etmək istəyib.

Sosial şəbəkələrdə paylaşılan bu görüntü birmənalı qarşılanmayıb. Bəzi istifadəçilər sürücünün sərnişin mədəniyyətinə diqqət çəkdiyini və haqlı olduğunu desə də, digərləri eşşək şəklinin etik olmadığını bildirib.

Qeyd edək ki, ictimai nəqliyyat vasitələrində davranış qaydalarına əməl olunması, avtomobilin təmizliyinin qorunması və sürücünün işinə maneə yaradılmaması qanunla müəyyən edilmiş məsuliyyətlərdir.

Eltac Zülfüqaroğlu