Təyyarə üfunətli sərnişinə görə təcili eniş etdi

Hollandiyadan İspaniyaya uçan “Transavia Airlines” şirkətinə məxsus təyyarə Portuqaliyanın Faru aeroportuna təcili eniş edib. Buna səbəb təyyarənin salonundakı üfunətli qoxu olub. Bu qoxu səbəbindən bəzi sərnişinlərdə ürəkbulanma və qusmadan şikayət edib. Avtosfer.az oxu.az-a istinadən xəbər verir ki, bununla bağlı Britaniyanın “Mirror” nəşri məlumat yayıb. Şahidlərin sözlərinə görə, sərnişinlərdən biri elə qoxurdu ki, elə bil bir neçə həftədir çimmir.

Ekipaj üzvləri sərnişini ayaqyoluna aparmaq istəsələr də, bu müsbət nəticə verməyib və pilot ən yaxın aeroportda eniş etmək qərarına gəlib, kişini isə aeroportda həkimlər qarşılayıb.

Şirkət Boeing-737 təyyarəsinin təcili eniş etdiyini təsdiqləyib.