Toy mərasimində maraqlı hadisə: Dostuna avtomobil hədiyyə etdi – VİDEO

Türkiyədə keçirilən toy mərasimində 20 illik yaxın dostuna lüks avtomobil hədiyyə edən vəkil diqqət çəkib.

Avtosfer.az xəbər verir ki, toylarda bəy və gəlinə qızıl və pul hədiyyə edilməsi artıq ənənəvi hal alıb. Lakin bu dəfəki hədiyyə mərasim iştirakçılarını təəccübləndirib.

Bəyin dostu avtomobilin açarını çıxararaq dostuna təqdim edib və “Bu avtomobil artıq sənindir” deyib.

Mərasim iştirakçıları üçün gözlənilməz olan bu hədiyyə alqışlarla qarşılanıb. Adətən toy mərasimlərində qızıl və pul hədiyyə edilməsi ilə rastlaşsaq da, 20 illik dostuna lüks avtomobil bağışlayan vəkilin bu jesti sosial mediada da maraq doğurub.

Eltac Zülfüqaroğlu