Yol kənarında yatan itin üstündən asfalt çəkdilər – FOTO

Yol kənarında yatan itin üzərindən asfalt çəkilib.

Minval.info xəbər verir ki, hadisə Hindistanın Aqra şəhərində, Tac Mahal yaxınlığında qeydə alınıb.

Qaynar asfalt örtüyünün heyvanın üzərinə tökülməsi nəticəsində it ölüb.

Bələdiyyə işçilərinin bu səhlənkarlığı heyvansevərlərin etirazına səbəb olub. Hələ ki,rəsmi qurumdan bir üzrxahlıq və ya açıqlama gəlməyib. Heyvan hüquqları müdafiəçiləri Hindistanda heyvanlara qarşı insafsız davranışların hər keçən gün daha çox artdığını bildiriblər.