Bakıda itkin düşən yeniyetmə tapıldı - YENİLƏNİB

"Binəqədi rayonu, 28 May qəsəbəsi, Oğuz küçəsində yaşayan 14 yaşlı yeniyetmə polis əməkdaşları tərəfindən tapılaraq ailəsinə təhvil verilib".

Bu açıqlamanı Daxili İşlər Nazirliyinin (DİN) Mətbuat Xidmətinin baş inspektoru, polis leytenantı Elbrus İbrahimov verib.

O qeyd edib ki, işdə kriminal tərkib yoxdur.

(oxu.az)

***

10:06

Bakıda yeniyetmə oğlan itkin düşüb.

Avtosfer.az lent.az-a istinadən xəbər verir ki, Binəqədi rayonu, 28 May qəsəbəsi, Oğuz küçəsində yaşayan 14 yaşlı Mehdi Xəyyam oğlu Əsgərov evdən çıxaraq, bir daha geri qayıtmayıb.

Bu barədə onun anası polisə müraciətində bildirib.

Hazırda müraciətlə əlaqədar Binəqədi Rayon Polis İdarəsinin 40-cı Polis Bölməsində araşdırma aparılır.