Avtobus sürücüsünün bu görüntülərini bütün sərnişinlər izləməlidir – İbrətamiz VİDEO

İctimai nəqliyyatdan istifadə edən sərnişinlər bəzi hallarda avtobus sürücülərindən narazılıq edir. Səbəb isə dayanacaqda avtobus tərpənən zaman qapıların yeni gələn sərnişinlər üçün açılmamasıdır. Yeni gələn sərnişinlər isə düşünür ki, sürücülər son anda gələn sərnişini görsə də qəsdən saxlamır ve avtobusun qapısını açmır.

Avtosfer.az xəbər verir ki, sosial şəbəkələrdə paylaşılan videoda avtobus sürücüsü bunun səbəbini izah edib. O bildirib ki, qapılar bağlandığı anda avtobusun sistemi müəyyən işıq siqnallarının sönməsini gözləyir və yalnız bundan sonra avtobus sürücüyə hərəkət komandası verə bilir. Bu səbəbdən də sürücü avtobusu saxlayıb qapıları açıb həmin sərnişini də götürəsi olarsa 20 saniyədən çox vaxt gedir. Bununla da interval pozulur. Sürücü sərnişinlərdən xahiş edir ki, belə halda növbəti avtobusu gözləmək lazımdır.

Nurcan Babək