İçkili sürücü qəza törətdikdə dəymiş zərər kim tərəfindən ödənməlidir? – Ekspert AÇIQLADI - VİDEO

Avtomobili içkili idarə edən şəxslərin törətdiyi qəzalar, həm sürücülər, həm də digər iştirakçılar üçün ciddi təhlükə yaradır. Belə hallarda yaranan maddi və mənəvi zərərin qarşılanması, zərər çəkənlərin hüquqlarının qorunması mühüm məsələdir.

Avtosfer.az xəbər verir ki, mövzuya “AvtoFM”in efirində Azərbaycan Sığortaçılar Assosiasiyasının Ekspert qrupunun üzvü Emin Allahverdiyev aydınlıq gətirib. O bildirib ki, zərər çəkən şəxsin burada heç bir təqsiri yoxdur və ödəniş ona çatır.

“Daha sonra sığorta şirkəti subroqasiya hüququndan istifadə edərək, ödənilmiş məbləği zərər vuran şəxsdən geri ala bilər. Yəni, sığorta şirkəti əvvəl ödənişi edir, lakin alkaqol qəbul etmiş və avtomobili idarə etmiş şəxsə qarşı həmin məbləği subroqasiya qaydasında tələb edir.

Kasko sığortasında isə vəziyyət fərqlidir. Avtomobili idarə edən şəxs yol-nəqliyyat hadisəsi törədərsə və kasko sığorta müqaviləsi mövcuddursa, sığorta şirkəti ödənişdən imtina etmək hüququna malikdir və adətən imtina edir”.

Eltac Zülfüqaroğlu