Təcrübəsiz sürücülər belə vəziyyətdə diqqətli olmalıdır – Mütəxəssisdən XƏBƏRDARLIQ - VİDEO

Qəza əleyhinə kursların məşqçisi Aqil Rəhimov avtomobil idarə edən sürücülərin arasında geniş yayılmış, lakin çox təhlükəli bir haldan — “bezdim e” sindromundan danışıb.

Avtosfer.az xəbər verir ki, onun sözlərinə görə, bu vəziyyət xüsusilə ikinci dərəcəli yollarda özünü göstərir. Belə ki, sürücülər bir qədər gözlədikdən sonra səbir etməyib, “bezdim e” düşüncəsi ilə qəfil hərəkət edirlər. Aqil Rəhimov bildirir ki, bəzən sürücülər qarşıdakı nəqliyyat vasitələrinin onları buraxacağını düşünərək tələskənlik göstərirlər və nəticədə qəfil ikinci zolaqdan çıxaraq təhlükəli vəziyyət yaradırlar.

“Bu, çox ciddi və təhlükəli vərdişdir. Sürücülər bəzən 50 metr qalıb gözləyir, 20 metr qalıb gözləyir, amma 5 metr qalmış birdən “bezdim e” deyib çıxış edirlər. Belə hallarda qəzadan yayınmaq çox çətin olur. Xüsusilə təcrübəsiz sürücülər bu kimi vəziyyətlərdə ehtiyatlı olmalıdırlar,” — deyə məşqçi vurğulayıb.

O, sürücülərə səbirli olmağı, riskli manevrlərdən uzaq durmağı və hərəkət zamanı təhlükəsizliyi hər şeydən üstün tutmağı tövsiyə edib.

Eltac Zülfüqaroğlu