5 avtomobilin iştirakı ilə ağır yol qəzası: 2 ölü, 3 yaralı – FOTO + VİDEO

Rusiyanın Ekaterinburq əyalətində 5 avtomobilin iştirakı ilə ağır yol qəzası baş verib. Avtosfer.az “E1” portalına istinadən xəbər verir ki, insident avqustun 4-ü Kirovsk rayonunda qeydə alınıb.

Ekaterinburq üzrə DYPX-nin təbliğat şöbəsinin məlumatına görə, yüksək sürətlə hərəkət edən “KIA Rio” markalı avtomobilin sürücüsü 3 küçə kəsişməsindən eyni zamanda qırmızı işıqdan da  keçərək işıqforda dayanan “SsangYong” və “LADA”ya çırpılıb.

Zərbənin gücündən “LADA” digər iki avtomobilə - “Toyota” ilə “Volkswagen” markalı maşınlarla toqquşub.

Nəticədə “LADA” markalı maşının sürücüsü və sərnişini hadisə yerində ölüb, “KIA”nın sürücüsü, sərnişini və “Toyota”nın sürücüsü xəsarətlər alaraq xəstəxanaya çatdırılıblar.

Polis qəza ilə bağlı araşdırmalara başlayıb.

Namiq Musayev