8 paraşütçünün olduğu təyyarə çaya düşdü: 9 ölü

İsveçdə tək mühərrikli təyyarənin qəzaya uğraması nəticəsində 9 nəfər ölüb. Avtosfer.az “RenTV”yə istinadən xəbər verir ki, hadisə iyulun 14-ü Umeo şəhəri yaxınlığında qeydə alınıb. Bu barədə “The Local” nəşri məlumat yayıb.

Məlumata görə, təyyarə yerli vaxtla 13.30-da Umeo hava limanından 8 paraşütçü ilə havaya qalxıb. 42 dəqiqədən sonra təyyarədən qəza siqnalı gəlib və adaya – Umelven çayının deltasına düşüb.

Nəşrin saytında qeyd edilir ki, təyyarə tək mühərrikli “GippsAero GA8 Airvan 8” olub.

Qəzada 8 paraşütçü və pilot ölüb.

İnsidentin baş vermə səbəbləri araşdırılır.

Namiq