Avtobus zolağı ilə hərəkət edən “Audi” “Lexus”u vurub aşırdı - VİDEO

Bakıda sürücünün yol hərəkəti qaydalarını kobud şəkildə pozması ağır qəzaya səbəb olub.

Avtosfer.az xəbər verir ki, Xətai rayonu Afiyəddin Cəlilov və Fəzail Bayramov küçələrinin kəsişməsində dəhşətli yol-nəqliyyat hadisəsi qeydə alınıb. Şahidlərin verdiyi məlumatda bildirilir ki, Afiyəddin Cəlilov küçəsindəki avtobus zolağı ilə hərəkət edən “Auidi” markalı avtomobil yolayrıcına daxil olan “Lexus” markalı nəqliyyat vasitəsi ilə toqquşub. Nəticədə, “Lexus” aşıb, daha sonra evakuatora yükləmə zamanı vətəndaşların köməyi ilə maşın düzəldilib.

Qəza nəticəsində “Lexus” markalı nəqliyyat vasitəsinin sərnişini xəsarət alıb. Hadisə yerinə yol polisi ilə yanaşı təcili tibbi yardım avtomobili də cəlb olunub.

Faktla bağlı araşdırmalar davam etdirilir.

Səfər