Avtobusda dəhşətli yanğın: 2-si uşaq 5 ölü, 15 yaralı – FOTO + VİDEO

Türkiyənin Balıqəsir vilayətində şəhərlərarası sərnişin avtobusunda dəhşətli yanğın baş verib. Avtosfer.az DHA-ya istinadən xəbər verir ki, hadisə Balıqəsir-Edremit avtomagistralının 30-cu kilometrliyinin Göyçəyazı məhələsindən keçən hissəsində qeydə alınıb. Məlumata görə, “Kamil Qoç” şirkətinə məxsus 06 LK 794 dövlət qeydiyyat nişanlı sərnişin avtobusu naməlum səbəblərdən yanmağa başlayıb. Nəticədə ikisi uşaq olmaqla, 5 nəfər ölüb, 15 nəfər isə xəsarət alıb. Bildirilir ki, avtobusda 34 sərnişin, 1 sürücü və 2 köməkçi olub. İlkin məlumata görə yanğın ya kofe bişirən aparatdan, ya da ki elektrik naqillərindən yaranıb.

Hadisənin baş vermə səbələri araşdırılır.

Namiq Musayev

Materiallardan istifadə edərkən hiperlinklə istinad VACİBDİR!