Azərbaycanlıların olduğu mikroavtobus yük maşınına çırpıldı: 2 ölü, 9 yaralı - VİDEO

Rusiyanın Rostov əyalətində Azərbaycan vətəndaşlarının olduğu mikroavtobusun və yük maşınının iştirakı ilə baş verən ağır yol qəzasında 2 nəfər ölüb, 9 nəfər isə xəsarət alıb. Avtosfer.az “RenTV”yə istinadən xəbər verir ki, hadisə M-4 “Don” avtomagistralının 959-cu kilometrliyində qeydə alınıb.

Məlumata görə, Moskvadan Azərbaycana gedən “Volkswagen Crafter” markalı 20 EB 289 Azərbaycan dövlət qeydiyyat nişanlı mikroavtobus eyni yolda hərəkətdə olan “MAN” markalı yük maşınına arxadan çırpılıb.

Bildirilir ki, mikroavtobusda 13 nəfər olub. Polis qəza ilə bağlı araşdırmalara başlayıb.

Namiq Musayev