Bakı-Quba yolunda toqquşan yük maşınları zəncirvari qəza törətdi; 8 avtomobil… - VİDEO

Bakı-Sumqayıt yolunda zəncirvari yol-nəqliyyat hadisəsi baş verib.

Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, hadisə iyulun 6-da saat 23:45 radələrində Bakı-Quba yolunun 18-ci kilometrliyində, Sumqayıt istiqamətində qeydə alınıb.

Məlumata görə, “KamAZ” markalı yük maşını, “TIR” markalı avtomobillə toqquşub. Bundan sonra isə zəncirvari yol-nəqliyyat hadisəsi baş verib. Belə ki, 77-SE-858 dövlət nömrə nişanlı “Mercedes Sprinter” markalı, “VAZ-2105” markalı, 99-LU-258 dövlət nömrə nişanlı “Khazar” markalı, 99-YC-717 dövlət nömrə nişanlı “TIR” markalı, 10-TS-865 dövlət nömrə nişanlı “Chevrolet” markalı, “BMW” markalı və “Hyundai” markalı avtomobillər toqquşub. Qəza nəticəsində xəsarət alan olmayıb.

Faktla bağlı araşdırma aparılır. 

Nərmin