Bakıda 2 avtomobil toqquşdu: 2 qadın ağır yaralanıb

Bakının Xəzər rayonunda iki nəfərin xəsarət almasına səbəb olan yol qəzası baş verib. Avtosfer.az-ın APA-ya istinadən məlumatına görə, hadisə Qala qəsəbəsində qeydə alınıb. Qala yolunda "VAZ 2107" və "Mercedes" markalı minik avtomobilləri toqquşub. Nəticədə "VAZ 2107"-də olan sərnişinlər - 1981-ci il təvəllüdlü Hüseynova Ləman Məhəmməd qızı və 17 yaşlı Hüseynova Firəngiz Anar qızı xəsarət alıblar. Hər iki yaralı xəstəxanaya yerləşdirilib. Vəziyyətləri orta-ağır qiymətləndirilir.

Faktla bağlı Xəzər Rayon Polis İdarəsində araşdırma aparılır.