Bakıda 2 maşın toqquşdu: hər iki sürücü xəsarət alıb

Bakının Xətai rayonu ərazisində iki maşının toqquşması ilə nəticələnən yol qəzası olub. Avtosfer.az-ın "Report"a istinadən məlumatına görə, "Fəridə" şadlıq sarayı yaxınlığında baş vermiş qəza nəticəsində sürücülər - 1979-cu il təvəllüdlü Baloğlanov Bakir Şakir oğlu və 1977-ci il təvəllüdlü Əliyarov Taleh Zəbulla oğlu xəsarət alıblar. Yaralılar dərhal xəstəxanaya çatdırılıb. Baloğlanov Bakirə döş qəfəsinin əzilməsi və qarın nahiyəsinin küt travması, Əliyarov Talehə isə alnın əzilmiş yarası diaqnozu qoyulub.