Bakıda 33 yaşlı qadını avtomobil vurub

Bakının Yasamal rayonunda yol-nəqliyyat hadisəsi baş verib. Avtosfer.az APA-ya istinadən xəbər verir ki, Yeni Yasamal yaşayış massivində paytaxt sakini 1986-cı il təvəllüdlü Yusifova Rəfiqə Həmidağa qızını avtomobil vurub. Yaralı çanaq sümüklərinin sınığı və qapalı kəllə-beyin travması diaqnozu ilə 1 saylı Xəstəxanaya çatdırılıb. Həkimlərin verdiyi məlumata görə, onun vəziyyəti ağırdır. O, xəstəxananın Reanimasiya şöbəsinə yerləşdirilib.

Faktla bağlı Yasamal Rayon Polis İdarəsində araşdırma aparılır.