Bakıda 49 yaşlı kişini avtomobillə vuran sürücü qaçıb

Bakının Yasamal rayonunda yol-nəqliyyat hadisəsi baş verib.

Avtosfer.az APA-ya istinadən xəbər verir ki, İnşaatçılar prospektində yolu keçən Bakı sakini, 1970-ci il təvəllüdlü Rauf Əyyubovu naməlum avtomobil vurub.

Hadisəni törədən sürücü avtomobili ilə birgə hadisə yerindən yayınıb. Yaralı ətrafdakıların köməkliyi ilə xəstəxanaya yerləşdirilib.

Yasamal Rayon Polis İdarəsindən verilən məlumata görə, sürücü axtarışdadır.