Bakıda avtomobil banka çırpıldı - FOTOLAR

Dünən axşam saat 9 radələrində Cəfər Cabbarlı küçəsində qəza hadisəsi baş verib.

Yenicag.az-ın əldə etdiyi məlumata görə, küçə ilə aşağı istiqamətdə hərəkət edən “Mercedes” markalı avtomobilin sürücüsü idarəetməni itirib və nəticədə avtomobil əvvəlcə səkiyə, sonra isə Cəfər Cabbarlı 42 ünvanında yerləşən Yapı Kredi Bankının Mərkəz Şöbəsinin binasına çırpılıb.

Hadisə nəticəsində bankın giriş qapısı və şüşələri sınıb.

Xoşbəxtlikdən hadisə nəticəsində heç kim xəsarət almayıb.

Faktla bağlı araşdırma aparılır.