Bakıda avtomobil piyadanı vuraraq xəsarət yetirib

Bakıda piyadanın xəsarət alması ilə nəticələnən yol-nəqliyyat hadisəsi baş verib.

"Report" xəbər verir ki, hadisə Xəzər rayonunda qeydə alınıb.

Zirə qəsəbəsində avtomobil yolu keçən 1971-ci il təvəllüdlü Əliyev Bahadur Murad oğlunu vurub. Yaralı təcili yardımın köməyi ilə 3 saylı şəhər Kliniki Xəstəxanasına çatdırılıb.

Müayinə zamanı ona sağ almacıq sümüyünün əzilmiş yarası diaqnozu qoyulub.

Faktla bağlı araşdırma aparılır.