Bakıda avtomobilin vurduğu qadın xəsarətlər alıb

Xəzər rayonunda 44 yaşlı qadını maşın vurub. Avtosfer.az APA-ya istinadən xəbər verir ki, hadisə Buzovna qəsəbəsi, Şəhər şossesində baş verib. Minik avtomobili 1975-ci il təvəllüdlü Əliyeva Aynur Kərim qızını vuraraq ona müxtəlif dərəcəli xəsarətlər yetirib. Yaralı xəstəxanaya çatdırılıb. Ona sol topuğun və sol təpə gicgah nahiyəsinin əzilməsi diaqnozu qoyulub. Vəziyyətinin kafi olduğu bildirilir.

Faktla bağlı araşdırma aparılır.