Bakıda iki avtomobil toqquşub, bir ailənin 3 üzvü xəsarət alıb

Bakının Xəzər rayonunda yol-nəqliyyat hadisəsi baş verib.

Avtosfer.az APA-ya istinadən xəbər verir ki, Qala qəsəbəsində 1961-ci il təvəllüdlü Hüseynağa Muradov idarə etdiyi "Nissan" markalı avtomobili yol kənarında dayanmış "Niva" markalı avtomobilə vurub.

Nəticədə "Niva"nın sürücüsü İsmayıl Əliyev, digər sürücü H.Muradov və onun həyat yoldaşı, 1969-cu il təvəllüdlü Şəfiqə Muradova və qızı 1999-cu il təvəllüdlü Nəzrin Muradova xəsarət alıb.

Yaralılar xəstəxanaya yerləşdirilib.