Bakıda iki avtomobil toqquşub, xəsarət alan var

Bakıda xəsarətlə nəticələnən yol qəzası baş verib.

Avtosfer.az "Report"a istinadən xəbər verir ki, hadisə Sabunçu rayonu, Maştağa qəsəbəsində qeydə alınıb.

İki minik avtomobilinin toqquşması nəticəsində nəqliyyat vasitələrindən birinin sürücüsü Talıbov Eldəniz Əmənulla oğlu xəsarət alıb. E.Talıbov təcili yardım maşını ilə 3 saylı Şəhər Kliniki Xəstəxanasına çatdırılıb. Ona döş qəfəsinin kəskin əziyi və diz nahiyəsinin əzilmiş diaqnozu qoyulub.

Hadisə ilə bağlı araşdırma aparılır.