Bakıda iki sərnişin avtobusu toqquşdu - VİDEO

Bakıda sərnişin avtobusları toqquşub.

Avtosfer.az oxu.az-a istinadən xəbər verir ki, hadisə paytaxtın Nizami rayonu ərazisində, "8-ci kilometr" bazarının qarşısında baş verib.

Belə ki, 103 saylı marşrut üzrə hərəkət edən avtobusun sürücüsü idarəetməni itirib. Nəticədə nəqliyyat vasitəsi eyni istiqamətdə hərəkətdə olan 70 saylı marşrut avtobusuna çırpılıb. Hadisə nəticəsində xəsarət alanların olub-olmaması dəqiqləşdirilir.

Faktla bağlı araşdırma aparılır.