Bakıda kişini avtomobil vurub, vəziyyəti ağırdır

Sabunçu rayonunda piyadanın ağır xəsarət alması ilə nəticələnən yol qəzası baş verib.

APA xəbər verir ki, hadisə Bakıxanov qəsəbəsində qeydə alınıb.

"Arablinka" adlanan ərazidə minik avtomobili yolu keçmək istəyən 1954-cü il təvəllüdlü İsayev Rəfael Məhzəli oğlunu vurub.

Yaralı xəstəxanaya yerləşdirilib. Ona qapalı kəllə-beyin və müştərək travma diaqnozu qoyulub. Vəziyyəti ağır qiymətləndirilir.

Faktla bağlı Sabunçu Rayon Polis İdarəsində araşdırma aparılır.