Bakıda "Opel" betona çırpılıb, sürücü ağır xəsarət alıb - FOTO

Bakının Nizami rayonunda xəsarətlə nəticələnən yol qəzası baş verib. Avtosfer.az-ın APA-ya istinadən məlumatına görə, avtoqəza Babək prospektində qeydə alınıb. Məmmədov Nicat Arif oğlunun idarə etdiyi “Opel” markalı minik maşını idarəetmədən çıxaraq yolun kənarındakı ağaclara, daha sonra arakəsməyə çırpılıb. Nəticədə sürücü ağır xəsarət alaraq xəstəxanaya çatdırılıb. Xəstəxanadan bildirilib ki, N.Məmmədov hazırda koma vəziyyətindədir.

Hadisənin baş verməsi səbəblərini Nizami polisi araşdırır.