Bakıda xəsarətlə nəticələnən yol-nəqliyyat hadisəsi baş verib - FOTO

Bakıda xəsarətlə nəticələnən yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə paytaxtın Xətai rayonu, Xocalı prospektində qeydə alınıb. Eyni istiqamətdə hərəkətdə olan "İnfinity" və "Jeep" markalı minik avtomobilləri toqquşub. Hadisə nəticəsində "İnfinity" markalı avtomobilin sürücüsü baş nahiyəsindən xəsarət alıb. Hadisə yerinə DYP əməkdaşları cəlb olunub.

Faktla bağlı araşdırma aparılır.