Bərdədə orta yaşlı kişini maşın vurub öldürdü - VİDEO

Bərdə rayonunda şəxsiyyəti məlum olmayan kişini avtomoil vuraraq öldürüb. Avtosfer.az-ın "Report"a istinadən məlumatına görə, rayonun Soğanverdilər kəndi ərazisində hərəkətdə olan "VAZ-2106" markalı minik avtomobili yolun kənarı ilə gedən orta yaşlı kişini vurub. Hadisədən sonra sürücü yaralını xəstəxanaya çatdırsa da, həkimlər onun çoxdan öldüyünü bildiriblər. Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Bərdə rayon şöbəsinə təhvil verilib. Hüquq-mühafizə orqanları tərəfindən onun şəxsiyyəti müəyyənləşdirilir və yaxınları axtarılır.

Faktla bağlı rayon Polis şöbəsinin İstintaq bölməsində araşdırma aparılır.