Biləcəridə faciəvi qəza: “VAZ”ın damı qopdu, gənc sürücü öldü - VİDEO

Paytaxtın Binəqədi rayonu, Biləcəri qəsəbəsində ölümlə nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza iyulun 29-da axşam saatlarında Xurşidbanu Natəvan küçəsində, Biləcəri İstirahət Mərkəzinin qarşısında qeydə alınıb.

İlkin məlumata əsasən, “VAZ-2107” markalı avtomobil qəzaya uğrayaraq yararsız vəziyyətə düşüb. Nəticədə nəqliyyat vasitəsinin sürücüsü hadisə yerində həyatını itirib.

Hadisə yerinə polis əməkdaşları cəlb olunub.

Faktla bağlı araşdırma aparılır.

Nərmin