Binədə döngəyə yüksək sürətlə girən yük maşını aşdı - VİDEO

Paytaxtın Xəzər rayonu, Binə qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza iyulun 26-da səhər saatlarında qeydə alınıb.

İlkin məlumata əsasən, 90-FE-166 dövlət qeydiyyat nişanlı “Ford Transit” markalı yük avtomobili hərəkətdə olarkən sürücünün idarəetməsindən çıxaraq aşıb. Şahidlərin iddiasına görə, hadisəyə səbəb avtomobilin döngəyə yüksək sürətlə daxil olması olub.

Qəza nəticəsində xəsarət alan olmayıb. Lakin nəqliyyat vasitəsinə ciddi maddi ziyan dəyib.

Faktla bağlı araşdırma aparılır.

Nərmin