Bu ölkədə hər 3 dəqiqədə 1 nəfər yol qəzalarında həyatlarını itirir - FOTO - VİDEO

Hindistan gözəl təbiətə və zəngin tarixə malik ölkələrdəndir. Elə təkcə Tac Mahal və Qütb Minar minarəsini xatırlatmaq kifayətdir. Bura həm də əcnəbi turistlərin çox olduğu ölkələrdəndir. Lakin, turizm heç də təhlükəsiz deyil. 

Avtosfer.az xəbər verir ki, Hindistanda yollar xüsusi təhlükə mənbəyidir. Yollarda zolağa əməl edilmir, sürət həddini hamı aşır, sürücülərin bir-birinə qarşılıqlı güzəştləri yoxdur, kəmər və ya dəbilqə taxmaq ayıb hesab edilir. Nəticə də göz qabağındadır.

Rəsmi statistikaya görə, Hindistanda 2024-cü ildə 172 mindən çox adam yol qəzalarında həyatını itirib. Başqa sözlə, gündə 474 nəfər, yaxud hər 3 dəqiqədə 1 nəfər yol qəzalarının qurbanına çevrilir. 

Statistika dövründə yol qəzalarında ölənlərin 10 mindən çoxu uşaq, 35 min nəfəri isə piyadadır. 

Yol qəzaları ölkə iqtisadiyyatına hər il milyonlarla dollar ziyan vurur.

Vüqar