Cəlilabadda yol qəzası: xəsarət alanlar var

Cəlilabad rayonunda avtomobil qəzası baş verib. Avtosfer.az-ın "Report"a istinadən məlumatına görə, hadisə rayonun Əsədli kəndi ərazisində qeydə alınıb. Belə ki, minik avtomobili idarəetmədən çıxaraq aşıb. Qəza nəticəsində rayonun Cəfərxanlı kənd sakinləri - 1984-cü il təvəllüdlü İsmayılov Şükür Əlgüşad oğlu və 1993-cü il təvəllüdlü Qubadlı Pərviz Sakit oğlu xəsarət alıb. Yaralılar xəstəxanaya aparılıb və onlara müvafiq tibbi yardım göstərilib.

Faktla bağlı araşdırma aparılır.