Çexiyada magistral yolda 40 avtomobil toqquşub

Çexiyada magistral yolda 40 avtomobilin iştirakı ilə zəncirvari qəza baş verib.

Bu barədə ČTK xəbər agentliyi məlumat yayıb.

Qəza Çexiyanın cənub-şərqindəki Brno şəhəri yaxınlığında qeydə alınıb. Magistral yolda nəqliyyatın hərəkəti müvəqqəti olaraq dayandırılıb.

Hadisə nəticəsində iki nəfər yaralanıb.

Qəzaya səbəb kimi dumanlı hava şəraiti göstərilir. (report)