Ermənilərin olduğu “PAZ” aşdı: 18 yaralı - FOTO

Ermənistanın Tavuş əyalətində 25 sərnişinin olduğu avtobus qəzaya uğrayıb.

Avtosfer.az shamshyan.com-a istinadən xəbər verir ki, hadisə avqustun 3-ü günorta saatlarında Dilican-Çambarak avtomagistralının Qoş kəndi ərazisindən keçən hissəsində qeydə alınıb.

Məlumata görə, 43 OO 008 qeydiyyat nömrə nişanlı “PAZ” markalı avtobus, sürücünün idarəetməsindən çıxaraq beton sütunlara çırpılıb sonra da uçuruma yuvarlanıb. Qəza nəticəsində 18 nəfər xəsarət alıb və təcili tibbi yardım maşını ilə Dilican Rayon Xəstəxanasına çatdırılıblar.

Araşdırma zamanı məlum olub ki, avtobusda Qarni Kotayksk rayonunda yerləşən uşaq bağçasının işçiləri olub və onlar Qoşavanka gedirmişlər.

Polis qəzanın baş vermə səbəblərini araşdırır.

Namiq Musayev

Materiallardan istifadə edərkən hiperlinklə istinad VACİBDİR!