Gəncədə avtobusdan düşən qızı avtomobil vurub

Gəncədə  piyadanın vurulması ilə nəticələnən qəza baş verib. Avtosfer.az-ın APA-ya istinadən məlumatına görə, hadisə şəhərin Gülüstan qəsəbəsində qeydə alınıb. Belə ki, 14 saylı marşrut avtobusundan düşən Gəncə şəhər sakini 1998-ci il təvəllüdlü Nazpəri Balayevanı “VAZ 21 07” markalı minik avtomobil vurub. Zərbənin təsirindən piyada bir neçə metr kənara düşüb. 21 yaşlı qız dərhal xəstəxanaya  yerləşdirilib. N.Balayevanın vəziyyətinin orta-ağır olduğu bildirilir.

Faktla bağlı araşdırma aparılır.