Gəncədə üç maşın zəncirvari qəza törədib

Gəncə şəhərində 3 avtomobilin iştirakı ilə zəncirvari yol qəzası olub. Avtosfer.az-ın "Report"a istinadən məlumatına görə, şəhərin Şah İsmayıl Xatai prospektində "VAZ-2106" və iki "Mercedes" markalı avtomobilin toqquşması nəticəsində 1 azyaşlı yüngül xəsarət alıb. Toqquşma zamanı hər üç avtomobilə zərər dəyib.

Faktla bağlı araşdırma aparılır.