Hələ monitorun “plyonka”sını soymamışdı, qəzaya düşdü - VİDEO

Yeni avtomobil alanlar üçün ilk günlər xüsusi əhəmiyyət daşıyır – maşının hər detalı qoruyur, hətta ekran qoruyucularını belə çıxarmağa qıymırlar. Amma bəzən gözlənilməz qəzalar bu sevincin yerini böyük məyusluğa verə bilir.

Avtosfer.az xəbər verir ki, 2025-ci il model təzə avtomobilini alan bir sürücü, maşının üzərindəki “plyonka”nı belə çıxarmamışdı. Lakin baş verən qəza nəticəsində sevinci bir anda puça çıxıb. Sürücü avtomobilinin qəza sonrası tanınmaz hala düşmüş görüntülərini sosial şəbəkədə paylaşaraq, “Kişilər ağlamaz” sözlərini yazıb. Hadisə Türkiyədə yaşanıb.

Maşını hər yöndən çəkən sürücü sonda avtomobilin içərisindəki monitorun “plyonka”sının belə hələ də üzərində olduğunu, buna baxmayaraq qəza nəticəsində nəqliyyat vasitəsinin yararsız hala gəldiyini göstərib.

Yeni avtomobilini belə qəzada itirən sürücünün emosional paylaşımı izləyicilər tərəfindən həm təəssüf, həm də dəstək hissi ilə qarşılanıb.

Eltac Zülfüqaroğlu