Hərbçiləri daşıyan mikroavtobus aşdı: 12 yaralı

Gürcüstanda hərbçiləri daşıyan mikroavtobusun aşması nəticəsində 12 nəfər xəsarət alıb.

Avtosfer.az “Rustavi2” telekanalına istinadən xəbər verir ki, insident Quriya əyalətinin kurort qəsəbəsi olan Şekvetilidə qeydə alınıb.

Məlumata görə, hərbçilər Batumidən Senakidə yerləşən hərbi bazaya gedirlərmiş.

Qəzada müxtəlif dərəcəli bədən xəsarətləri almış 12 hərbçi hadisə yerinə cəlb edilən təcili tibbi yardım maşınları ilə Kobuleti şəhər xəstəxanasına çatdırılıblar.

Onlardan ikisinin vəziyyətinin ağır olduğu bildirilir.

Qəza ilə bağlı araşdırma aparılır.

Namiq