Hərbçilərin olduğu yük maşını aşdı: 8 yaralı

Dağıstanda hərbçilərin olduğu yük maşının aşması nəticəsində 8 nəfər xəsarət alıb.

Avtosfer.az xəbər verir ki, hadisə Tarumovsk rayonunda qeydə alınıb. Bu barədə “RİA Novosti”yə Səhiyyə Nazirliyinin regional üzrə nümayəndəsi məlumat verib.

““Qafqaz” federal avtomagistralının “Kalinovka yaşayış məntəqəsindən keçən hissəsində qəza baş verib. İçərisində hərbçilərin olduğu “Ural” aşıb.

İlkin məlumatlara görə, 8 nəfər yaralanıb” – səhiyyə nümayəndəsi agentliyə bildirib.

Onun sözlərinə görə, yaralılar Tarumovsk mərkəzi şəhər xəstəxanasına yerləşdiriliblər.

Onların vəziyyəti orta-ağır qiymətləndirilir. Hadisə ilə bağlı araşdırmalara başlanılıb.

Namiq